Ref:
I stiehl dir dein Einkaufszettl
I schütt dia Salz in Kaffee
Weu du bist a odrahte Gretl
A hinterfotziges Weh.
I lass dir a Horoskop machen
Des halt den Horror dens verspricht
I mach kane halbaten Sachen
Drum hast ohne Sicherung ka Licht.
I schenk dein Kanari die Freiheit
Schmier dir Haargel in die neichn Schuach
Weust a Gfrastsackl bist voller Bosheit
Streu i Juckpulver auf dei Leintuach.
I säg sauber an deine Stöckel
und leer dir Schmiersaf am Gang
Und wanns di dann haut aus die Böckel
Sag i: Ui, fühlst di schwach, wirst leicht krank?
Dann schenk i dir a klanes Katzerl
Des is guat fia dei Allergie
Und dann verbrenn i dirs Pratzerl
Sog: "Verzeih ma, die Teekann is hi!"
Ich schick dir per Mail an klan Virus
Der frisst dir die Daten ratzputz
Dann schreibst ollas neich auf Papyrus
I sog. Geh so a Pc is nixnutz!
Kummst zruck vom Urlaub aus Spanien
findst dei Schlüsselloch uhuverpickt.
Gspiebn hob i dir in die Geranien
na hättst halt mitn Gerdi net...
Heit kumm i mit Kaffe und Kuchen
Mit Liebe gebacken, wos sunst
Kumm willst net a Stückl versuchen
Na weilst dir jo sunst gor nix gunnst. -
Und wanns di dann a bisserl herdraht
Schau nur wia i di verwöhn
Dann loss i dir ei a schens Schaumbad
und schmeiß dir schnell nache den Fön.
Dann putz i mi zam für heit Abend
Und nimma glei dein Lippnstift
I merk du bist a bissl blau wurdn
I waß net- vom Fön oderm Gift?
Auf jeden Fall is ma jetzt leichter
I setz no die Salzsäure zua
Des Wasser is murgn dann scho seichter
Und i hob mei seelige Ruah!
Kann sein i bereus bei der Beicht a
Hauptsach i hob jetzt mei Ruah
von dir
und der Gerdi ghert wieda mir! So!