Ref:
Der Lebensspätherbst holt mi ein
Es warat eigentlich nix dabei
Wann i a weng entspannter war
Nur ehrlich gsagt: des fallt mir schwer.
wann I a bissl gsünder leb,
kann sei, dass is besser derheb? Was meints ihr?
Weu wohin i schau siech i nur, dass i abbau
Wia a oides Haus werd i schö langsam baufällig und grau
Waß net wos könnt i denn no ollas probieren
I kumm afoch net nach mitn Renoviern.
Der Körper macht so seine Spompanadln
A wann i eam im Fitness-Center quäl
oba straffer werdns a nimmer meine Wadln
ob i s jetzt mit der Peeling Lotion schäl…..oder a net-
In mein alten Haus da ziagts durch alle Ritzn
Der Verputz bröckelt und der Boden kracht
Und immer öfters kumm i so ins Schwitzen
Net nur am Tag, na leider a no in der Nacht.
Ref:
Seit i nimmer trink siech I auf amoi a weniger Leut
So war des eigentlich net gmant – in trauter Abgeschiedenheit
Sitz i beim Heurigen mitm Lebensendzeitpartner
Nuckel besinnlich an einer Bomben Schartner.
Mit der Verdauung haperts a, der Wind der blast so in mein Bauch
Und i siech auf amoi schlechter seit i nimmer rauch
I frag mi gibt’s da vielleicht an Zusammenhang
Kann sei des gsunde Leben macht mi erst richtig krank?
In mein alten Haus da füll i alles aus mit Silikon
Und i ziag neue Tapeten ibad Wänd und den Plafond
Fia jede Fugn hab i meine Spezialisten
Es is elendslange kostspielige Listen.
Ref:
Auf jeden Körperteil schmier i mir andere Cremen,
und bissl krampfig werdns schö langsam meine Venen
und die einstmalig naturschöne Walküre
kämpft jetzt mitm Wolkerlspeck und geht zur Pediküre.
Seit i Diät halt brauch i a Brilln zum Lesen
Und der Zahnarzt baut si Bruckn in mein Mund
Und von der Schwermut kann i nur schwer genesen
Irgendwie fühl i mi nimmer richtig gsund.
Und irgendwie reichts jetzt:
I mach a Fest im alten Haus, kehrs Vorsorgeklumpert aus
I kauf ei an Speck, an Wein, und lad alle zu mir ein
und mir trinken auf die Jahr und auf unsere weißen Haar
lassens uns afoch guat geh, haltens Alter no am Schmäh
und i rauch ma ane an, schau ume auf mein feschen Mann
und i denk ma: sapperlott, mir san lang no net bankrott.
Mia gebn uns jetzt a poa Runden, a poa fröhlichfeuchte Stunden
I hau weg die Stützstrumpfhosen und i streu uns rote Rosen
Weu bevur der Sensenmann uns holt
Leucht unser Haus no amoi auf ganz Gold.
Haaaallo!